Home Altri scritti
(Lasceti u topu annantu à a fotò pà vede u titulu.)
Una vita ind'una ghjurnata di ... (3)
Una ghjurnata d'inguernu intornu à San Ghjuvanni di Moriani
À Patrizia, à Pierre-Jé et à Eric, tengu à ringrazià vi pà una bedda ghjornata intornu à San Ghjuvanni di Moriani. Mi hè piaciuta à fà sta visita di stu rughjonu incu un gruppu di a ghjente propriu amichèvule.
Prima avemu pigliatu u caffè inseme. Dopu semu andati pà i chjassi di u valdu. Avemu suvitu un
pezzu di u chjassu butanicu vicinu à i porchi è à traversu u castagnetu.
C'erani numerosi riquatri pà spiegà i sfarenti pianti è alburi tìpici di stu terrenu.
A nocca ci n'era in grossu chì l'animali un a toccani mai è, d'inguernu, i so beddi fiuri verdi si vedeni bè.
Semu ghjunti finu à San Mamilianu, una cappella di u Xèsimu sèculu ma chì hè stata risturata. Si trova annantu à un poghju davanti à l'isula di Monti Cristu induve sarìa statu u santu Mamilianu. U paesi festighjeghja stu santu in stu postu quì ogni annu a dumenica a più vicina à u 15èsimu di sittembre.
Prima c'era l'arca annantu à a piazza di a cappella cum'edd'hè scrittu quì.
È oghji à poca distanza di a cappella ci hè un beddu rifùgiu novu pà i marchjatori chì camminani in stu rughjonu.
Pà u spuntinu, Eric ci ha fattu tastà a so robba purcina è ci semu campi incù u bonu pranzu è pò incù i beddi voci di i nosci guidi chì ani cantatu uni pochi di beddi canzoni corsi.
Più tardi, avemu visitatu a ghjèsgia magnifica di San Ghjuvà incù u so campanile altu, altu è a so mubiglia di a sacristìa chi hè stata risturata pà i mani màgichi. Hè a ghjèsgia pievana di stu paesi. U me tileffunu hà avutu u so mumentu di crisa è mi dispiace ma un aghju manc'una foto. Sarà una raghjone pà una seconda visita in San Ghjuvanni di Moriani.
Tengu à ringrazià a ghjenti chì hà datu a so dumenica pà a noscia surtita è se truveti sbagli in stu testu ci vole à .