Home Altri scritti
(Lasceti u topu annant'à a fotò pà vede u titulu)
Una vita ind'una ghjurnata di ... (2)
Una ghjurnata innacquata intornu à Ghisoni
Sta dumenicata d'aprile, incù qualchi curaghjosu di a noscia scola di u certificatu di a lingua corsa d'Aiacciu, avemu sceltu d'andà à scopre u rughjonu di Ghisoni.
Dui prufissori erani incù noi è dui guidi prufissiunali ci aspettavani.
Ghjunghjendu a prima in paese, aghju vulsutu parlà corsu incù a padrone di u stabilmente induv'aghju presu un caffè ma u prublema hè sempre u listessu: mi hà sempre rispostu in francese finu à u "Au revoir" finale!
In prima, semu andati à visità a mina di piombu chì si trova à 4 chilometri da u paese. Dopu avè lasciatu i vitturi, ci hè una spassighjata d'una mez'ora. Saria troppu difficiule pà certi chì u chjassu hè abbastanza sculisciante è pitricosu.
A l'intrata di a mina u nosciu guida hà liatu una funa è po ci hà invitati à falà indentru. Qual'hè chì vò scende u primu? .... Sò guasgi tutti falati ind'a mina, ma eiu nò chì dopu ci hè da cuddà dinò incù a funa!
In più di u piombu ci hè, in stu rughjone, u ramu. Si vedeni numarosi petri d'un beddu turchinu. Più luntana si vede dinò
una pèntica di porfiru. Cusì, sottu à i pedi, aviamu i petri di tutti i culori.
Falendu ci semu arristati qualchi minutu intornu à u paese abbandunatu di Paghjaneddu.
Stu paisolu ghjuvava à l'èpica à quiddi chì ani travagliatu à a mina ma, fora di una casa abbastanza bè tenuta,
in altrò ghjè a natura (è sopratuttu l'èllera) chì ripiglia à so piazza.
Ancu pà a ghjenti chì ùn vò micca andà troppu luntanu da a vittura, ci hè una bedda vista di u Fiumorbu da u ponte.
Avemu fattu dinò un ghjiru à pedi in Ghisoni è ancu più insù pà vede i pianti di a machja.
Accantu à a ghjesgia, avemu avutu un pinseru pà i ghjovani ghjucatori di basket chì hani persu a vita ind'un accidente d'avviò ind'a muntagna di u Rinosu à u mesi di dicembre 50 anni fà.
Ci hè in Ghisoni un alloghju accugliente induva si pò dorme è manghjà, st'alloghju si chjama U pianu è si trova sottu à a merrìa.
Tengu à ringrazià a ghjenti chì hà datu u so sabbatu pà a noscia surtita è se truveti sbaglii in stu testu ci vole à .