Home Altri scritti
(Lasceti u topu annantu à a foto pà vede u titulu.)
Una vita ind'una ghjurnata di ... (4)
In u Crùzinu è i dui Sorri
Hè stata una bedda ghjurnata! L'amicizia di tutt'ugnunu è u celu di un turchinu scuru senza nìvuli ci hanu di sicuru cuntribuitu.
Ci semu ritruvati incù i prufessori è l'altri studenti dirittamente à l'anzianu vescuvatu di Sant'Appianu di SAONE. Ci hanu datu i spiegazioni di a storia di sti lochi chì sò stati occupati da i primi tempi forse parchì ci saria statu un stagnu à mezu chjosu da a rena, furmendu un portu oghji colmu.
A prima ghjesgia hè stata custrutta in u Vèsimu sèculu è hè messa sottu à a prutezzione di Sant'Appianu. Un sèculu dopu, ghjunghje un vescu in Saone
è a ghjesgia hè diventata domu finu à a fine di u VIIèsimu sèculu quand'è i lochi sò stati più o menu abbandunati, l'abitanti scappendu versu
i muntagni.
Una cattedrale nova hè custrutta versu a fine di u Xèsimu sèculu è tandu dui palatini sò impiegati à u pedi di u bastimentu. Quì sopra à dritta si vede u palatinu ghjuvendu da petra d'àngulu, intrappulatu (è guasgi invisìbile) pà sempre. U bastimentu d'oghji hè u risultatu di una storia mossa tra ruvina è ricustruzzione, tra ghjesgia, casa è rimessa pà u fenu.
Intornu à u situ, cì sò uni beddi pochi di teghji rotti ghjittati
è cerchendu bè si pò truvà dinù teghji "segnati", saria statu forse una manera di cuntà i teghji o a firma di quiddu ch'è li ha fatti.
U campu santu è u battisteru in forma di croce greca sò stati scavati è sò avali cuperti di plàsticu.
Un saltu in CARGHJESE l'avemu fattu pà rivede a bedda ghjesgia greca di u santu Spyridon. Quì sottu una parte di l'iconostasi
Semu passati in MURZU mà a noscia vìsita hè stata breva assai
chì a festa era in priparazione pà u lindumane.
A noscia ultima vìsita hè stata pà u paese guasgi abbandunatu di
MUNA.
U locu hè beddu incù una vista spittaculare annant'à a vadde di u Liamonu...
Mà a vita quì duvia esse difficiule senz'acqua corrente o alectricità, senza intrata pà vitturi, solamente un chjassu mulateru in pendita assai.
L'ultimu abitante à l'annata si n'hè andatu in u 1974.
Avali uni pochi di casi sò occupati durante i mesi di l'istati mà u munumenti di i morti di a
guerra di 14-18 appiccicatu davanti à a ghjesgia ci spiega più chì tuttu a storia dramàtica di stu paese (è di tanti altri).
Falendu aghju provu à cuntà i casi; ùn hè micca cusì faciule chì si vede prima un tettu è pò più inghjò i muri è si pò cuntà dui volte una casa mà mi pare chì ci ne siini 27.
In un cantu frescu davanti à una casa, avemu trovu zuccatu in a petra stu ghjocu di u mulinu
(o marelles) ed hè veru chè si stà bè a sera à l'ombra
di sti casi appiccicati à i penti di a muntagna di a Spusata.
Sta ghjornata ci hè stata pà me una mossa chì mi dà u curaghju à fà i sforzi necessàri pà ammaestrà sta lingua, lasciendu cascà un mumentu u stùdiu di a lingua taliana.
Tengu à ringrazià à Thierry, Ceccè è Ghjuvan-Marcu chì hanu datu u so sabbatu pà a noscia surtita è se truveti sbagli in stu testu ci vole à .