Scritti d'una studienti di lingua corsa

Circhendu un pruverbiu, mi hè subbitu vinutu in capu un pruverbiu chì mi riveni ogni annu à u mumentu di a rinfriscata di u mesi di maghju è fighjulendu u legnu accatastatu (o nò) vicinu à a casa.

Dopu, circhendu annant'à Google a cunfirmazioni di u "me" pruverbiu, sò cascata annantu à un situ sicilianu chì ci dici chì, pà certi, i pruverbi sò visti cum'è sapienza di sumeri è, pà d'altri, cum'è una manera di tramandà verità oppuru reguli di a vita d'ogni ghjornu d'una manera incisiva. Mi piaci di più a seconda manera di difiniscia ciò chì hè in Corsica una richezza tamanta.

U me pruverbiu... U to più beddu legnu, teni lu pà maghju.
Aspessu veni a risposta: Nè pà marzu, nè pà maghjonu, ùn ti caccia u to piloni.