Scritti d'una studienti di lingua corsa

Ci saria in alimanu
Una manera di scriva
St'amori subitaniu
Imprivistu ma vivu ?

Un amori di vacanza
Senza fini nè scopu
Ne aghju cuscenza
Ma mi stringhji u corpu.

A so voci dilicata
U so sguardu ghjintili
Mi anu affascinata
À 'ssa donna imbicilli

Eddu, u sudtirulesi,
Mi hà strappatu u cori
Cù a so manera curtesi
U so sensu di valori,

Incù a so andatura
Passu lentu è sicuru
Propriu u muntanaru,
Unu sguardu mai scuru.

Mi sò imbuglinata
Pà unu spettru d'amori;
Eddu, u più sinnatu,
Ùn hà lintatu u cori.

Dighjà spenta a storia
Avà è prima di nascia,
Ne tinaraghju a mimoria
Ma l'amicu mi lascia.

Oghji à tena à menti
Ci hè quì una lizioni
Megliu stà senza turmentu
Ch'à suvità a finzioni.