Scritti d'una studienti di lingua corsa

Ghjusantu ci hà prupostu
À i studienti sta duminicata
D'andà da Revinda à a minera,
Una bedda girandulata.

À otto ori manc'un fiatu...

Eiu pà paura di u ventu,
Pinsierosa, mi sò rivucata.
Annant'à l'anchi tengu menu
Cà una ghjuvanotta

À deci ori manc'un fiatu ...

Ùn vuliu essa 'ssa donna
Scianca è incuscenti
À fassi capivultà in muntagna
Strappata da i venti.

À meziornu manc'un fiatu...

Dappertuttu ci lighjimu
Di stassine à l'aggrottu
Aspittendussi à 'ssu zefiru
Chì pò fà tantu abbottu

À dui ori manc'un fiatu...

S'eddu ci hè andatu
U gruppu di GhjuvanSantu
À pruminà pà 'ssi monti,
Di sicuru ùn si hè pientu

À quattru ori manc'un fiatu...

Inveci di sta surtita d'invernu
Fatta fine ch'aghju fattu?
Sò stata u ghjornu interu
Stesa in carrigonu cù u ghjattu

À sei ori manc'un fiatu...